الاثنين، 24 ديسمبر 2012

دفأ الشتاء ^^


السلام عليكم ^^
أخباركم وشلونكم مع البرد العجيب =) أخيراً حسينا بالشتا

طبعاً هالفترة صايرة قليل أرسم لأن كل تركيزي معظم الوقت على تعلم الكروشية وأساليبه
عالم آخر جميل غصت فيه 3>

عموماً نرجع لرسوماتي الحلوة << ثقة ههههه

يلا بسم الله نبدأ :

رسمة السمكة هذي حسيتها عبيطة شوي يمكن لأنها كانت بآخر الليل





عاد رسمة الأرانب هذي حكاية صارت عليها
قلت لهم إن الرسمة عبارة عن أم وولدها
بس الله يهديهم اللي تفكيرهم شي ثاني ><
عموماً بالنهاية أتفقنا إنها غلطتي بالرسم وإن كان لازم أحط رموش للأرنوبة الكبيرة
<< أصلاً مادري شلون نسيت .. شدراني في ناس بتفهم شي ثاني هع عبالي الكل قاعد براسي خخخخ



يا حظكم أول مرة رسمة طازجة ^^
هالكوب اللي يشرب كوفي رسمتها أمس
شرايكم بالفكرة بس ~

وبس خلصنا ...
أنا هالمدونة ما أقدر أستغني عنها لازم أنزل فيها حتى لو الكل أتجه لمواقع ثانية
كانت بدايتي منها وشاكرة كثير لكل اللي شجعوني وإنتقدوني وأبدوا رايهم برسوماتي
لأن هالشي خلاني أطور من نفسي واايد ~ فأقل شي أسويه إني أستمر فيها

سيكون لكم دائماً جزء خاص بكم في ذاكرتي 3>

وألقاكم على خير جميعاً
=)



الخميس، 15 نوفمبر 2012

شـي أدمـنــتــهـ ~


مرحبا أعزائي المتابعين والزورا

كـل عـام وإنــتـم بــخــير ^^ 
يا رب بتكون سنة خير على الجميع 

شخباركم وشمسوين !! عساكم بخير يا رب
ها صار الجو بارد عندكم ولا للحين =)

وهذي رسوماتنا لهالفترة اللي راحت

 هذي خربشة سريعة كانت بنهاية الدوام 

 
 مراحل تطور مهارة الرسم بالنسبة لي ^^
 

 

وهذي غرامي اليديد ^_^
أنا وتلبيسات الأكواب بالكروشية
خلاص من عرفت الطريقة وأنا يالسة بس أسوي منه كميات مو قادرة أوقف 

شكلي آخر شي بوزعهم هدايا على اللي أعرفهم =)

وألقاكم على خير إن شاء الله 
ويا رب تكونون بخير إلى لقائنا الآخر
~

السبت، 3 نوفمبر 2012

أظن إني ودعت الفوتوشوب ~_^

السلام عليكم جميعاً
يا هلا بأحلى متابعين عندي
وكل زائر لمدونتي ^^ أحبكم في الله يا ناس

تكفيني الاحصائيات اللي أشوفها وأفرح بإستمراركم بمتابعتي
 مع إنشغالي بعرض رسوماتي بوقتها

وهذي رسومات شهر أكتوبر ~ وكلها ببرنامجي المفضل
واللي صرت ما أقدر أستغني عنه على الآيباد
Art Studio =)






                                     هذي عاد رسمتها بالألوان المائية وبعدين عدلتها ببرنامج للإطارات
                                     وبعدها دخلتها على برنامج الرسم ورسمت الفرشاة وصحن الألوان ~

                                        هذي تبين الفرق بين لما أرسم يدوي وأرسم رقمي



واايد صح >< شسوي
الحمد لله قدرت أنزلهم قبل لا أنضغط أكثر

ونلتقي على خير إن شاء الله
=)

الثلاثاء، 2 أكتوبر 2012

Last month was my birthday =P


يا هلا بكم ^___^

شفتوا عاد حتى بتاريخ ميلادي ما نزلت لكم الرسمة
كله من instagram اللي سهل علينا مشاركة الصور بأكثر من موقع بنفس الوقت D=
فأصير كسولة بعدها إني أرفعهم من الجهاز للمدونة .. المهم

وهذي باقي الرسومات خلال الفترة السابقة =)



خذي داخلة عرض هع







وبس
هذي حالتنا بين فترة وفترة بنزل لكم كميات من الرسومات اللي أرسمها
عالآيباد بإستخدام برنامج Art Sudio
واللي حاب وطبعاً راح يشرفني بمتابعتي على إنستقرام
هذا اليوزر تبعي: awooosha

ونلتقي على خير إن شاء الله
=)

الثلاثاء، 21 أغسطس 2012

رسوماااات .. والكثير من الرسومات =)













سامحوني ^^ صايرة مضغوطة هالأيام 
وبالغصب فتحت اللابتوب اللي مادري عنه ونزلت الرسومات 

ألقاكم على خير إن شاء الله
=)

السبت، 21 يوليو 2012

مــبــارك عــلــيــكــم الــشــهــر ♥


السلام عليكم  ^^
مبارك عليكم الشهر الفضيل 
وربي يتتقبل منا صالح الاعمال 

وتفضلوا ما ظهر مني من رسومات خلال الأيام السابقة =)







آخر رسمتين اللي على اليمين لما خبروني بقبول إجازتي ^__^
والرسمة اللي على اليسار لما أهلكوني بالشغل بس لأنه كان آخر يوم دوام لي >< هع

وبـــس
ألقاكم على خير إن شاء الله 
=)