الجمعة، 31 ديسمبر، 2010

ووصلنا الـ 127 ^_^

السلام عليكم ^_^
كيف حالكم جميعاً ~ عساكم بخير إن شاء الله
وأخيراً وصلت للرسمة 127 D:
لحظة خلني أعرض الرسومات وبعدين بقول اللي عندي =)

الرسمة (126)
الرسمة (127)

الحمدلله ~ ما أصدق إني قدرت أوصل الصراحة
لو بذكر الأيام اللي مرت علي في التحدي ~
في أيام كنت أسأل نفسي فيها " أنا شنو كنت أفكر لما قررت إني أرسم 127 رسمة؟! "
و أيام كنت بستسلم فيها لإنشغالي بشغلي أو لتدهور حالتي الصحية
أو التحدي الأكبر اللي واجهته " العثور على فكرة "

و واااايد أشياء أستفدت منها في هالتحدي::
* التعرف عليكم ~ شرف لي الصراحة ~ وأشكركم لدعكم لي ولتعليقاتكم اللي تفرحني
* تطور رسمي وااايد ~ يعني عمري ما فكرت إني أرسم بعض الرسمات بهالمستوى
* حبيت الـ pen toon وصار صديقي بالفوتو للرسم بعد ما كنت أتجنب إستخدامه لإعتقادي بصعوبة إستخدامه ~ لكن طلع عكس ظني وكل اللي كنت أحتاجه هو بعض الممارسة عليه
* تنظم وقتي أكثر ~ وصرت أعرف الوقت اللي يلزمني للبحث عن الفكرة وتطبيقها
* يا عمري ~ صرت أسوي دروس في الرسم الرقمي << أكبر إنجاز لي ~ صح هم كلها كم درس وسهلين بس أفتخر فيهم ^_^
وبــس
الكلمات ما تعبر عن مدى فرحتي لوصولي هني << قولي ما تعرفين تعبرين p:
وبالأخير اشكركم كلكم
سواء كنتوا متابعين أو معلقين على رسمي أو حتى زورا
ونلتقي على خير إن شاء الله
=)

الأربعاء، 29 ديسمبر، 2010

back to hand drawing ~

مرحبااااا ^_^
كيف البرد عندكم ~ الصراحة هو حلو بس يمرض ><
ولأني مرضانة من هالجو الحلو
ما كنت أقدر أقعد عالنت إلا عدة دقائق بس
فقررت أرجع للرسم اليدوي =)
الرسمة (122)
الرسمة (123)

الرسمة (124)

الرسمة (125)
ونلقاكم على خير بإذن الله
^_^

السبت، 25 ديسمبر، 2010

i pod

السلام علكيم ^_^
لحبي لآيبودي الحلو
طلعت هالرسمات الآيبودية هع
الرسمة (119)
الرسمة (120)

الرسمة (121)
كل الرسمات باللي ما أستغني عنه الـ pen tool
والفرشاة العزيزة
ونلتقي على خير إن شاء الله
=)

الأربعاء، 22 ديسمبر، 2010

Owl ~ Spider

يسعد أيامكم بكل خير إن شاء الله
أخباركم ويارب تكونو بخير إن شاء الله
الحالة الصحية bad .. very bad
والحمدلله على كل حال
ما حبيت أخلي الرسوم تتجمع علي لأني أدري ما بقدر أرسمهم إلا بعد فترة
عموماً هذي اللي ظهر معاي D:
الرسمة (117)
بعزيزي بالـ pen tool
ما عدا البقع اللي على الشجر بالفرشاة
وطبعاً الدوائر الصغار والعشب فرشاة جاهزة
الرسمة (118)
أحم نفس الشي بالغالي الـ pen tool
والغيمة والشكبة بالفرشاة

وألقاكم على كل خير إن شاء الله

=)

الاثنين، 20 ديسمبر، 2010

..................~

مراااحب جميعاً ^_^
عساكم بخير إن شاء الله ~
تعرفون أتعب وأنا أفكر بعنوان كل مرة ابغي أنزل فيها رسوماتي
فقلت اليوم مو حاطة عنوان p:
الرسمة ( 115)
بالـ pen tool
والسلم وتعابير الوجه بالفرشاة
الرسمة (116)
رسمتها بالفرشاة بإستخدام التابلت
ما عدا الخلفية بالباترن



وألقاكم على خير إن شاء الله
=)

الأحد، 19 ديسمبر، 2010

دروس في الرسم الرقمي ~ 2

صباح / مسااء الخيرااات جميعاً ^_^


ودرسين جدد من عندي

وهي طبعاً طريقتي برسم قطرات المطر والدوائر المائية

بس اليوم راح نتعامل بالـ pen tool

فيمكن تحسون بصعوبة خفيفية *_^

* طبعاً دروسي للمبتدئين بالرسم الرقمي

وبسم الله نبدأ ~


الدرس الأول "قطرات المطر"


الدرس الثاني "الدوائر المائية"
ها شرايكم ~
ولأي إستفسار أنا حاضرة
وإن شاء الله كان الشرح واضح ومفهوم
وقدرت أفيدكم بهالدروس البسيطة
<< تعودوا تسمعون آخر جملتين في كل درس D: ألقاكم على خير إن شاء الله ^_^

السبت، 18 ديسمبر، 2010

ثلوج و مطر ~

مرحبا ^_^
تطبيقي لدرس الثلج اللي نزلته أمس
الرسمة (113)
رسمتها بالفرشاة
ما عدا العصفور والغصن بالـ pen tool
الرسمة (114)
كلها رسمتها بالـ pen tool

وألقاكم على خير إن شاء الله
=)

الجمعة، 17 ديسمبر، 2010

دروس في الرسم الرقمي من Awoosha

بسم الله الرحمن الرحيم

والسلام عليكم ورحمة الله وبركاته

اليوم أقدمت على خطوة بحياتي ما فكرت إني أسويها p:

عملت درسين خفاف درجة أولى للمبتدئين بالرسم الرقمي

شفتهم بموقع ديفين آرت

وتعلمت منها وطبقتها برسوماتي

بس للأسف ضيعت الصفحة

فقلت أنا بسويهم بنفسي

وطبعاً ما أستخدمت التابلت لأن أدري مو الكل عنده تابلت


وتفضلوا الدروس


الدرس الأول

* رسم الغيوم -1

* أنا ذكرت في الدرس إن الـ Hardness تبع الفرشاة صفر

بس تصحيح ~ لازم يكون 100%


تابع

رسم الغيوم -2


الدرس الثاني

رسم ثلج متساقط -1

تابع
رسم ثلج متساقط -2

وأتمنى إن شرحي كان واضح
ولأي إستفسار أنا حاضرة
وإن شاء الله قدرت أفيدكم لو بالقليل
والدروس القادمة إن شاء الله أحسن

=)

الخميس، 16 ديسمبر، 2010

أفتقدت ضوئكم ~

السلام عليكم
^_^
رسمة اليوم
(112)
شفتوا الجنيات شلون مسوين ضوء حول الزجاجة وداخلها
هذا أنتوا ^_^
وحشتوني كلكم ~ أفتقدت ضوئكم هني
كلش مو حلوة المدونة من غيركم
عسى المانع خير إن شاء الله
Miss U all
f

الأربعاء، 15 ديسمبر، 2010

it's Magic

السلام عليكم
شخباركم مع البرد ~ حلو صح ^_^
أنا وااايد مستانسة عليه
ونواصل معاكم عرض الرسمات
الرسمة (110)
الرسمة (111)
أيوه .. هذي للي ما فهمها
سلمكم الله ~ هي عبارة عن رسمة على " سبورة "
تذكرون السبورات القديمة اللي يكتبون عليهم بالطبشور
أنا شفت رسمت الشجرة ويات في بالي هالفكرة
وزدت عليها البنوتة وخليت بعض الأشياء ملونة ^_^

C U Soon
=)

الثلاثاء، 14 ديسمبر، 2010

sweets & كتاكيت ~

السلام عليكم ورحمة الله وبركاته
يا عساكم بخير إن شاء الله ^_^
الرسمة (108)
بإستخدام أداتي المفضلة
الـ " Pen Tool "

الرسمة (109)
بإستخدام الفرشاة ~
وألقاكم على خير إن شاء الله
بحفظ الله
=)

السبت، 11 ديسمبر، 2010

My palace

عطر الله أيامكم بكل خير إن شاء الله
^_^
الرسمة (106)
الرسمة كلها بأداة البن تول
الرسمة (107)
الرسمة كلها بالفرشاة مع إستخدام جهاز التابلت

C U
^_^

الجمعة، 10 ديسمبر، 2010

مزاج مختلط @_@

السلام عليكم ورحمة الله وبركاته
المود اليوم كان عبارة عن خليط من الفرح
والحزن والضيق والراحة
يعني على بعضه مراات كان حلو
للرسم مثل ما كان في أول رسمة لي لليوم
ومرااات مادري شيبغي مثل الرسمة الثانية
وأخيراً يبغي يقفل خلاص تعب من كل هالمشاعر في وقت واحد
>> مادري شفيني خاطري أتكلم وأفضض شوي اليوم هع
المهم
أدري طولت واايد في الكلام اللي مو من عادتي إلا مع نفسي
فتضلوا الرسمات ::
الرسمة (103)
هني عاد كان نفسي أجرب أرسم مجوهرات وجذي
وهاللي طلع معاي D:

الرسمة (104)

الرسمة (105)

وألتقي بكم على خير إن شاء الله
^_^

الخميس، 9 ديسمبر، 2010

again winter ~

مرحبا جميعاً
نواصل مسيرة الـ 127 اللي ما باقي منها إلا القليل ^_^
الرسمة (99)
رسمتها بإستخدام أداة البن تول
والظلال بإستخدام أداة الـ smudge

الرسمة (100)
هذي كانت صورة جاهزة
وأنا من الملل ولأني كنت أفكر شرسم
فرسمت عليها ، ولونتها وبعدين سويت لها كإنعكاس في المرايا

الرسمة (101)
أما هذي
رسمتها بإستخدام الفرشاة والبن تول
طبعاً بالرسم على التابلت
البحر رسمته بالفرشاة وحطيت عليه لون أبيض بلير ثاني وسويت له smudge
والقارب بالبن تول
أما الغيوم بالفرشاة بعد رسمتها عملت لها smudge
D: أدري وااايد أستخدم هالأداة

الرسمة (102)

اللي بالنص رسمته بالأشكال الجاهزة " الفيكتور "

والستارة بالفرشاة وقللت الـ opacity

وقطرات الماء رسمتها بالفرشاة ونفس الشي قللت الـ opacity

وبس

الشرح كان بطلب من أختي Romia

أتمنى أفدتها لو بالقليل ^_^

وأشوفكم على خير إن شاء الله

الاثنين، 6 ديسمبر، 2010

السلام عليكم جميعاً
أسعد الله أيامكم بكل خير إن شاء الله ^_^

طبعاً صحتي ما ساعدتني أرسم خلال الأيام اللي راحت
واليوم حسيت إني أحسن فرسمت رسمتين بس
والباقي مع الايام القادمة بإذن الله =)

الرسمة (97)

الرسمة (98)
والقاكم مع رسمات ثانية
:)