ماذا أرسم ؟!

مرحباااا ^_^

عندك رغبة في الرسم وتحس إنك تبغي ترسم
بس سؤال دايماً يرافق هالرغبة وهو :: مــــاذا أرســـــم ؟!

يمكن تكون عندك فكرة أو أفكار مختلطة
و مو عارف من وين تبدأ
أو تحس بإن الأفكار أختفت فجأة @@

فخصصت هالصفحة للي تكون عندهم هالمشكلة
لأني بصراحة وااايد أصادف هالسؤال كل مرة أبغي أرسم فيها
فقلت يمكن غيري بعد يصير معاهم هالشي
فمنها أفيدهم ومنها تكون كمرجع لي =)

وبسم الله نبدأ::

*أولاً ... كل رسام يحتاج إلى شي مهم يكون عنده
سواء كان رسام رقمي أو يدوي وهو ::


دفتر صغير أو نوته يعني يكون بحجم كف اليد
علشان أول ما تجي لك الفكرة ترسمها حتى لو كانت سكيتش سريع

والحين بنعرف من وين نجيب الأفكار ^_^

1- البيئة حولنا


أستغل البيئة اللي أنت موجود فيها
سواء كنت بالبيت أو بالشارع أو حتى المدرسة،الجامعة ومكان شغلك
ما تدري من وين راح تطلع لك فكرة اللوحة
ولا تنسى الدفتر الصغير *_^

2- المواقع الالكترونية



تقدرون تصنعون فكرة من بعض الصور اللي تشوفونها وأنتوا تتصفحون أحد هالمواقع
وعندنا مواقع وااايد مثل فلكر- ستمبلر - deviantart - image stock ومحركات البحث


3- مدونات و مواقع الرسامين الآخرين


يعني تشوفون افكارهم تستلهمون منهم
بس مو ترسمون نفس الرسمة NO NO

يعني ترسمون الفكرة
مثال ::

مثلاً شفتوا هالرسمة وعجبتكم  .. تقدرون ترسمونها بس بشكل ثاني "يعتمد على خيالكم"
ممكن ترسمون بحيرة وحولها الأعشاب مع صخور
وسمكة ظاهرة من البحيرة
وفي قمر في السما للإضاءة وحول السمكة إضاءات بشكل دوائر صغيرة
أو بدل السمكة قارب وفيه بنوتة صغيرة وهكذا


شفتوا ما سرقتنا الرسمة بس إستلهمنا منها =)


وبــــس
أتمنى أكون وصلت الأفكار بشكل صحيح
وإن شاء الله أستفدتوا من الموضوع ^_^

وأي ملاحظة أو إقتراح لا يردكم إلا كيبوردكم
واللي عنده طرق آخرى لا يبخل علينا

=)




* قابل للإضافة لاحقاً~


هناك 9 تعليقات:

يوتي | Yoti يقول...

صدقققتي
انا صرااحه مااعرف واحسس اني مااحقدر ارسسم
من خيالي الا لما اتقن الرسسسم ..
دايما رسسماتي تكون متقنه لما اشوف صوره قدامي
او مجسسم قدامي اقلدو
وصراحه رسماتك مرا حلوا
من كثر مااشوف كثير متجهين للرسسم الرقمي
حبيييت اني اتعلم معنو كنت شايله الفكره لانو
جربت مرا وتعبني
<~ بسس الواحد لما يبغا الحلو
يصبر على المر ^.^
بالتوفيييق ياقميلا ^.^

Awoosha يقول...

يا هلا فيج نورتي =)
صح كلامج .. أول شي لازم تعودين يدج على الرسم وأكيد بعدين راح تبدعين فيه ^_^

كلج ذوق ما قصرتي
هو صح أول مرة تحسينه صعب ومعقد
بس مع الوقت راح تتعودين عليه

وبالتوفيق لج
شاكرة لج إطلالتج
=)

سكتشات يقول...

^ـ^ رهيبه هالصفحه
انا زيك تجيني هالحالات بس لأن دايم اشوف درام ومسلسلات استلهم منهم >>>تكفين لاعاد تستلهمين ^^!

Awoosha يقول...

أهلين عزيزتي ^^

صحيح .. الدراما أو التلفاز بشكل عام ملهم جداً في كثير من الأحيان

نقطة حلوة ~ راح أضيفها إن شاء الله
تشكراتي لإطلالتج العطرة
يعطيج العافية
=)

HMOoO$A يقول...

انا بعد تجيني حالات زي كذا
..:)
كانت تجيني افكار قبل لاشتري التابليت ولمن اشتريته
كل افكاري اختفت O_o خخخخخ
الى الأن اتدرب على رسم الأنمي علشان مو مره ااعرف لهم
بالمرره مااعرف لرسم الأنمي
يالله ارسم اشياء بسيطه
زي كب كيك وكوب او بحر وبيئه سماء وقمر شمس وهلال ورد باقه ورد
..^^
يعني لسع مااعرف مره ارسم ^^ <<تقصد رسم الأنمي الى الأن نفسي اتعلم له وتجيني صعووبه بس راح اواصل ان شاء الله وماارح امل لانه شيء نفسي اتعلمه

..

عيوووش ادعي لي اني اتعلم له ^^ <<خخخخخ ..^^

..
أعجبتني طريقة نصاائحك ..^^

HMOoO$A يقول...

بعد أذنك حطيت جزء من هذا الموضوع هنا عيوووش ^^
http://hmoo-oosa.blogspot.com/2011/06/3_08.html
نوريني بمدونتي ..^^

Awoosha يقول...

هموسة عزيزتي ^^ منورة

مو كان لازم تستخدمي الدفتر الصغير علشان ترسمين سكيتش سريع علشان ما تنسين الأفكار اللي خطرت على بالك ^^

يلا ما عليه هالمرة لازم تكون النوتة عندك .. والأفكار هذي حالها تروح وتجي ~

التدريب الدائم هو سر النجاح .. ولا تيأسي ، أحسك مرة متحمسة بس لا تستعجلي النتائج خلك صبورة وإن شاء الله توصلين للمرحلة اللي تبغينها

* مريت مدونتك كنت بحط تعليق بس ما صار ~ مادري شفيه .. ويسعدني إنج تستخدمين ملاحظاتي بمدونتك

أسعدتني إطلالتك وتعليقك للموضوع
تشكراتي لج & بالتوفيق
=)

HMOoO$A يقول...

.^^

يسلمووو ..كنت بستخدم نفس فكرة الدفتر من قبل ^^ <<وجالسه ارتب لي الدفتر تبع الرسم <<خخخ

حبيبتي حيااك والله يشرفني تمرين مدونتي والله بس ..انتي اذا كتبتي تعليق وماظهر<<انا اشرف عليه من لوحة التحكم ^^

ريم حسن يقول...

أفكار جميلة وأسلوب عرض لطيف وأنيق وخفيف ظل! شكرا لك!! :)

بالنسبة لي - ورغم أني لا أتقن الرسم - فإني أرسم حسب الحاجة، مثلا أرسم لموضوع كتبته في مدونتي << وطبعا نظرا لعدم اتقاني للرسمة أنتهي بعدم إدراجها! :P

وأحيانا أرسم ما يجعلني أرتاح، مثل رسم منظر جميل يحتوي على ما أتمنى أن أراه ..

تمنياتي لك بيوم سعيد :))