الجمعة، 23 ديسمبر، 2011

درس رسم / عمل طوابع

مرااااحب جميعاً ^^
إيه النشاط هالأيام عال العال والحمدلله
أمس رسمت واليوم درس
دوووم إن شاء الله ~

يلا درس اليوم سهل وخفيف

تفضلوا ::

(1)

(2)
أتمنى إن الدرس كان واضح
ولأي إستفسار لا يردكم شي
^^
وألقاكم على خير إن شاء الله
=)




الخميس، 22 ديسمبر، 2011

دروس + تطبيق

يسعد أيامكم بكل خير جميعاً ^^
يا عساكم بخير إن شاء الله

طبعاً الأفكار حق الرسم كلش بح ما فيه
مادري هل لأن ما عندي وقت لما تكون عندي فكرة
أولما يكون عندي وقت ما تكون عندي أفكار!!!

أدري فريت راسكم P=

إنزين ^^
شوفوا هالرسمة الجميلة

الرسمة (26)
ها حلوة ولا لأ *_^

هالرسمة سلمكم الله
طبعاً أنا اللي راسمتها ~ بس من خلال دروس من موقع Deviantart

فقلت أحاول أطبق الدروس وهذي كانت النتيجة ~

تفضلوا الدورس ::

(1)
(2)
إن شاء الله تستفيدون منها
وأي إستفسار أنا حاضرة ^^

ألقاكم على خير إن شاء الله
=)

الأربعاء، 14 ديسمبر، 2011

فـي حــ ♥ ـــب البـحـريــن


وطني .. ♥
جزيرة المليون نخلة
أرض دلمون العريقة

مملكتي الصغيرة
الكبيرة بأناسها

هي التي أحتوتني وأعطتني
وها أنا اليوم أحتفل بعيدها ^^

مراااحب جميعاً .. عساكم بخير إن شاء الله
بعد كم يوم راح يكون عرس وطني الحبيب

وكان ودي أنزل هالرسومات بنفس اليوم
لكني.. ولا تدرون شوفوا الرسوم أول
وبعدين بقولكم << تشويق يا زعم خخخخ

أولاً ~

الرسمة (23)

رسمة مستوحاة من إعلانات " كبيرة يا البحرين "
بالفوتوشوب طبعاً

ثانياً ~

الرسمة (24)


أول تجربة لي على الكانفس
بإستخدام الألوان المائية

ثالثاً ~

الرسمة (25)


مشاركتي اليوم في فعالية
" الرسم في حب البحرين "

وسط مجموعة من الفنانين وكل محبي الرسم
وهذي أول مرة أشارك برسوماتي وسط الناس
كنت دايماً بالمجهول وخااصة عبر النت
<< تطووور ما شاء الله .. هع أمدح نفسي

أيه صح الرسمة بإستخدام ألوان الإيكراليك

✿✿✿

والحين وصلنا ليش اليوم عرضت رسوماتي
وما عرضتها بيوم بحريني الغالية 16 Dec

لأن بترك وطني الغالي
وبروح لمكان أغلى منه على قلبي وعلى قلب كل مسلم

بروح بإذن الله لأداء العمرة
أوكي بتقولون خير ، عادي الكل يروح
صح الكل يروح بس أنا أول مرة بحياتي راح أروحها
وراح أزور بيت الله .. تعرفون إنها كانت أمنية حياتي
وللحين مو مصدقة إني بروح ^^ لك الحمد يا رب

يلا أستودعكم الله .. وأشوفكم على خير إن شاءالله
رحلتي راح تنطلق باجر الظهر بإذن الله
فما راح أقدر أدخل إلا بعد ما أرجع

ألقاكم يوم الثلاثاء القااادم
بإذن الله

^^

* وسامحوني لو غلطت عليكم
أو حاطين في خاطركم علي

الأربعاء، 30 نوفمبر، 2011

تغريدات مرسومة ^^

صباح / مساء المطر الجميل
يا عسى أيامكم جميلة وحلوة مثل حلاوة المطر ^^

الرسوم اليوم بإختصار هم بعض من تغريدات مغردين تويتر
اللي بالمفضلة عندي ~ حبيت أرسمهم مستلهمة هالفكرة من موقع
تمبلر المليئ بالأفكار الرائعة =)

أتمنى إني وفقت بالرسم بحسب العبارات المضمونة

تفضلوا ::






وألقاكم على خير إن شاء الله
=)

الجمعة، 18 نوفمبر، 2011

chibi في عالمنا

السلام عليكم ^^
أخباركم جميعاً ~ عساكم بخير إن شاء الله

وأنا أتجول في فلكر الجميل
طحت على مصور ما شاء الله تصويره جداً رائع
وألهمتني صوره إني أرسم أكثر من إني أصور هع p=

كان ودي أرسم على صوره كلها خخخخخ
بس لضيق الوقت أخترت 3 صور والباقي مرة ثانية إن شاء الله

وهذي النتيجة ::

(1)

(2)

(3)

الرسم مع التلوين ببرنامج الساي
ودمج الرسمة مع الصورة على الفوتوشوب

وشاكرة لكم حسن زيارتكم :)

وألقاكم على خير إن شاء الله
=)


الجمعة، 4 نوفمبر، 2011

من أعماق البحار >> عيدكم مبارك

مرااااحب جميعاً ^^
يا إني مشتاقة أكثر شي لكم 3>

أخباركم عساكم بخير إن شاء الله =)

من فترة أبغي أرسم بس أظن تعودتوا تسمعون هالعذر p=
مشغووولة وااايد واايد هو الدوام هو مشروعي هو إني مرضت
والحمدلله على كل حال

عاد قلت لازم أرسم حق العيد يعني ما يصير
والحمدلله إني أحسن اليوم ورسمت هذي الرسمة أول شي ::


بعدين تحمست لأن من فترة خاطري أرسم هالسمكة
وأخيراً رسمتها ^^

ففكرة أرسم بنوتة حلوة تعايد بكم
وكانت هذي النتيجة ::

الرسمة (22)


وكل عام وأنتم بخير
وعساكم من العايدين السعدين
وعــيــ مـــبـــارك ـــدكم

ألقاكم على خير إن شاء الله
^^


* الرسم كله بالفوتوشوب D=

الجمعة، 14 أكتوبر، 2011

خلفيات kawaii للآيفون والبلاك بيري =)

السلام عليكم جميعاً ^_^

يا إني أشتقت للمدونة والرسم

>< بس ما عندي وقت ~ الشغل زايد علي هالأيام

بس ما يقصرون اللي يزرون مدونتي 3>

قلت يا بنت أستحي الناس تزورك وأنتي ما تضيفينهم

فهذي شي بسيط مني لكم

أتمنى يعجبكم وأتمنى إن عندكم آيفون أو بلاك بيري << علشان تعبي ما يروح :)


هذي نماذج من الخلفيات



تقدرون تحملون الخلفيات كلها من هون :: click here ^^

مجموعهم 10 خلفيات

بالعافية عليكم ~ تستاهلون وأكثر


وألقاكم على خير إن شاء الله

=)

الاثنين، 3 أكتوبر، 2011

رائحة الخريف ~


مرحبا مرحبا ^^

أخباركم يا حلوين ~ لكم وحشة
عساكم بخير إن شاء الله

شنسوي هذي الدنيا ~ كبرنا وصارت عندنا أشياء ثانية
لكن أكيد ما راح نغيب عنكم أكثر .. الشوق يجبرنا نرجع لكم

ولرفيقة دربي مدونتي العزيزة 3>

وبعد تصليح اللابتوب والتابلت ~ أقدم لكم رسمة صوغيرة وبسيطة

الرسمة (21)
" رائحة الخريف "

من فترة وأنا أفكر أرسم أوراق الخريف اللي أحوبها كثير

وبالصدفة شفت رسمة الكوب وعجبتني طريقة رسمه
وفكرة أخليه وسط أوراقي العزيزة

وهذي هي النتيجة P=

الرسم ببرنامجي المفضل الفوتوشوب
بإستخدام أداة البن تول + فري فورم بن تول

يعني الثنتين خوات ^^

وعلى جهاز التابلت

وألقاكم على خير إن شاء الله
=)

الثلاثاء، 20 سبتمبر، 2011

Baby in the house

السلام عليكم ^^

عودة من بعد غياب ~

رسومات بسيطة مني .. قلت ما يصير لازم أرتب وقتي شوي

وأخيرا بعد 7 أيام رسمت D=

بس ما قدرت أرسم إلا ثنتين

وموضوعهم باين من عنوان التدوينة =)


الرسمة (19)


الرسمة (20)


وألقاكم على خير إن شاء الله

=)

الأحد، 18 سبتمبر، 2011

oO. just Felt .Oo

مرحبااااا جميعاً

عساكم بخير وبصحة راااائعة ^^


امممم مو عارفة من وين ابدأ

احم كح D=

تراني شسمه من فترة وانا ودي اسوي هالشي

والحمدلله توفقت من بعد الكثييير من التردد

توكلت على الله وفتحت محلي الالكتروني::



^_^


وبهالمناسبة الجميلة صار وقتي أضيق من قبل

وتحدي رسم 127 رسمة ما اظن إنه راح يكمل

فحالياً الايام اللي فاتت كنت مشغولة في محلي

وأعتقد إني ما بقدر أعوض الايام اللي راحت بالرسومات اللي المفروض ارسمها


يعني هالتحدي صار صج تحدي بكل ما للكلمة من معنى

فقررت إني انزل رسمة وقت ما قدرت

وبالنهاية بشوف كم رسمة قدرت أرسم إلى نهاية التحدي


وأخيراً أتمنى تتفضلون بزيارة محلي الصغير المتواضع ~ عن طريق

1- صفحتي على الفيس بوك بإسم:: Felt Bhr

أو



وألقاكم على خير إن شاء الله

=)

الأربعاء، 14 سبتمبر، 2011

باقي الرسمات ~

مراااحب ^^

يا ناسو وأخيراً صلحت السكنر ~
عقبال باقي الأجهزة D=

وهذي الرسمات اللي قلت لكم عنها

تفضلوا ::


الرسمة (16)

الرسمة (17)

الرسمة (18)


وطبعاً اليوم ما رسمت لأن كتفي واايد تألمني ><

وبس .. هذا اللي عندي لليوم
وألقاكم على خير إن شاء الله

=)

الثلاثاء، 13 سبتمبر، 2011

أوهايو ~

يسعد لي صباحكم / مساكم بكل خير إن شاء الله
أدري طولت الغيبة ~ بس شسوي
الظروف أقوى مني والله العالم شلون أطلع وقت علشان أرسم
وأرتب أموري الثانية ~ والحمدلله على كل حال ^^

المهم
المفروض إني أنزل 6 رسمات اليوم
لكن السكنر النحيس أخترب
وثلاث رسمات رسمتهم باليد بس ما حبيت أصورهم وأنزلهم
لأن التصوير ما يعطي الرسمة حقها

فإن شاء الله أول ما أصلحه أنزلهم
وحالياً تقبلوا مني هالرسمات الرقمية =)

الرسمة (13)
البداية دايماً لخبطة على ما أكون الأفكار براسي هع
ملاحظة:: الولد جاهز وأنا رسمت الخلفية

الرسمة (14)



الرسمة (15)


بإذن الله أنزل الرسومات الباقية
إيه صح الرسمات بالفوتوشوب بإستخدام البن تول
وبدون تابلت << هذي بعد يبغي له تصليح

الله كريم .. كل أجهزتي خربانة
حتى الفوتوشوب كم مرة أغلق البرنامج قبل لا أحفظ الرسمة
وأضطريت أعيدها مرتين إللي هي الرسمة الثانية

يلا ~ ألقاكم على خير إن شاء الله
=)

الخميس، 8 سبتمبر، 2011

أشتقت للرسم الرقمي ~

السلام عليكم ورحمة الله وبركااااته ^^
أخباركم وأخبار تجهيزات العودة للمدارس
يلا يلا شدوا حيلكم وبلا سهر وبلا مضيعة وقت بالنت
همة همة D=

ويا إني عانيت هالاسبوع بتعديل نومي
من خلص رمضان وانا للحين أسهر وأصحى متأخر للدوام
وبالنهار أنام >< مأساة هالاسبوع

علشان جذي ما قدرت أرسم هالأربعة أيام
واليوم قلت لا عاد ما يصير جذي ~

ويا هو شوقي كبير للرسم الرقمي بس التابلت خربان
وإن شاء الله أصلحه بالقريب العاجل ...

وهذي بدايتها ~ حسيت كأني نسيت أرسم بالبن تول هع

الرسمة (10)
"مساعدة للهروب"



الرسمة (11)
"طــوابعي الخاصة"




الرسمة (12)
"هدية تنتظر إستلامها"



أدري باقي رسمة إن شاء الله أنزلها مع رسمة باجر
وطبعاً كل الرسوم بالبن تول وبدون إستخدام التابلت

وإستخدمت الفراشي الجاهزة لرسم العشب والختم الدائري اللي بالطوابع

وألقاكم على خير إن شاء الله
=)

الأحد، 4 سبتمبر، 2011

إنتظار..بالون..مطر

يسعد أيامكم جميعاً بكل خير إن شاء الله
أخباركم ~ عساكم بخير يا رب ^^

إنزين عندي طلب :: شوفوا أول مرة أطلب منكم شي
فأتمنى ما تردوني ~ لا تخافون هو طلب بسيط
وإذا سويتوه راح أكون ممتنة لكم

بغيتكم تدعون لصديقتي نوارة بأن الله ييسر لهم أمورهم
ويعوضهم عن بيتهم اللي أحترق =( واللي لله الحمد ما فقدوا فيها غالي في الحريق

هون مدونتها وتفاصيل الحادث :: ήσѓα βľσğ ♫

الحمدلله على سلامتك يا أختي وصديقتي ~ وما تشوفين شر إن شاء الله

والحين نبدأ بالرسمات ::

الرسمة (7)

" إنتظاااار "
الرسمة (8)

" أحب البالونات "


الرسمة (9)

" ضائع تحت المطر "


وألقاكم على خير إن شاء الله
=)

الخميس، 1 سبتمبر، 2011

وبالغفلة كبرنا سنة p=

مراااحب جميعاً
عساكم بخير إن شاء الله ^^ وشلون كان العيد وياكم

وأخيراً بعد زحمة العيد والزيارات واللقاءات وتبادل التهاني
حصلت وقت أرسم رسمات الايام اللي فاتتني

وهذي هي ::

الرسمة (4)
" فرحة عيد "

الرسمة (5)


الرسمة (6)
" وبالغفلة كبرنا سنة "

عاد صج يقولون اليوم كبرت سنة
ومضت الايام والسنين
ويا رب أكون أفدت نفسي وغيري بكل ما فيه خير إن شاء الله

وخلاص تراني صرت عجوز
وصكيت الشسمونه.... أيه هذا هو p=

وألقاكم على خير إن شاء الله
=)

الاثنين، 29 أغسطس، 2011

ألبوم الذكريات ~


السلام عليكم ~
ووصلنا لآخر يوم من الشهر الفضيل
يا ربي ما اصدق إنه خلص بسرعة =(
الله يعوده علينا بالخير والبركات~ صج راح أشتاق للأجواء

المهم
بما إن وصل لنا خبر إن باجر العيد
فالحين صار الوقت جداً ضيق وكل شي على آخر الوقت يتذكرونه
الله يعدي هالليلة على خير ^^

فأظن إن كم يوم ما راح أقدر أنزل شي
لكن أكيد بحاول << الناس في العيد وهي تبقي تنزل رسمة هيهيهي

الرسمة (3)

"ألبوم الذكريات"
وكل عام وأنتوا بخير ~ وعيدكم مبارك جميعاً
وألقاكم على خير إن شاء الله
=)

ولا زلنا ببداية العتبات ^^


مراااحب ^_^
رسمة محششة جديدة D=

الرسمة (2)


قصتها إن عندي كتاب يعلم طرق استخدام كل ريشة بالالوان المائية
وهذي نتيجة لتطبيقاتي من الكتاب

عجبني الجزء الايسر من الرسمة
اما الأيمن فكنت اتمنى لو اني ما ضفته p=

وألقاكم على خير إن شاء الله
=)

السبت، 27 أغسطس، 2011

ونبدأ مشوار الـ 127 رسمة ~

أسعد الله أيامكم بكل خير إن شاء الله
عساكم بخير وطيبين يا متابعيني وزواري الحلوين ^_^

ولكسر الخمول والركود عن مدونتي
ولتحفيزي على الرسم

رجعت لفكرة الـ 127 رسمة

لمزيد من التفاصيل حياكم الجزء الأول هون

ولأني من فترة ما رسمت فتحملوا الرسومات العبيطة اللي بنزلها بالبداية P=
وبعد التابلت العزيز مرضان وخربان فأغلب الرسومات حالياً
بتكون يدوية ~

ومن الحماس رسمت اليوم رسمتين بس بعتبرها رسمة D=


الرسمة (1 )



وألقاكم علي خير إن شاء الله
=)

السبت، 6 أغسطس، 2011

الرسم في رمضان ~

السلام عليكم ^_^

أخباركم مع الصيام وأيام رمضان الجميلة ~ عساكم بأحسن حال إن شاء الله

=)

من كم يوم أخذت اللاب توب وعملت له فورمات

وكان في بالي أعمل كم رسمة رمضانية

لكني أنصعقت لما ركبوا لي فوتوشوب cs4 >< ما يكتب عربي

وقبلها الـ cs5 ما رضى يشتغل على لابتوبي =(

أشتقت للـ cs3 شكلي برد أركبه بس مو الحين بعد العيد بإذن الله

والأدهى والأمر إن الأفكار كلها تطير لما نكون صيام

وبعد الفطور خمول وكسل غريب بالمخ بحيث إن الافكار كلها تنمحي فجأة


بس هذا اللي طلع معاي وبالغصب بعد ::



أما الرسمة اللي بعدها هذي رسمتها أمس بعد تنظيفي لهمستري

ما شاء الله حركي وكله يبغي يركض ><

وأنا صايمة وما فيني طاقة ألعب معاه وهو في دنيا وأنا في دنيا

وما خلاني أنظف بيته إلا بعد مشقة وأنا ماسكته
كل ثانية هرب مني '^^



أما هالرسمة فكانت قبل رمضان

لكن يومها كان السكنر خربان وما حبيت أصورها بالموبايل

لأن الآن بتظهر مختلفة تماماً عن الأصل

والحمد لله صلحته والحين قلت أعرضه ~

رسمتها بالألوان المائية ^^


وبس ~ تقبل الله صيامكم وصالح أعمالكم

وألقاكم على خير إن شاء الله

=)

السبت، 30 يوليو، 2011

خلفيات رمضانية ~ للبلاك بيري

أسعد الله أيامكم بكل خير إن شاء الله ^^

كلها يوم ويهل علينا شهر الخير والبركات ~

رمضان غير عن كل الشهور سبحان الله

تحسون بالراحة النفسية والأجواء اللي كلها ذكر الله << عاد ليتها تستمر بعده

للأسف حتى البيت نفسه يتغير >< وأحلى شي أصوات المساجد لصلاة التراويح

وقيام الليل ~ صج أكثر شي أفتقده

المهم

الله يبلغنا ويعينا على صيامه وقيامه ^^

وبما إني حدي بزي هالأيام بالشغل

واللاب بعد خرف شوي ، فاليوم حصلت وقت

بس للأسف المود ما يبغي يرسم فقررت أصمم كم خلفية بسيطة للـ BB

لأن كل أخواني عندهم هالفون

ونفس الوقت قلت أشارككم فيها =) تفضلوا ::








وألقاكم قريب إن شاء الله

=)

الأحد، 10 يوليو، 2011

اللهم بلغنا رمضان ~

السلام عليكم جميعاً ^^

طبعاً ما باقي شي على شهر الخير والبركات

كلها كم يوم والله يبلغنا معاكم هالشهر الفضيل

وبهالمناسبة ~ حبيت أعمل كم خلفية لسطح المكتب

وهذي النماذج المصغرة ::





وللتحميل أرجو الضغط على الكلمة الآتية :




وكل خلفية عملت منها لونين

إن شاء الله تلاقي إعجابكم ونتحفكم بالمزيد بإذنه تعالى

وألقاكم على خير إن شاء الله

=)