الأحد، 29 مايو 2011

الطريق إلى السعادة ~



الحياة مليئة بأحداث قد تنسينا الطريق إلى السعادة

فعند كل عقبة أو إحساس بالظلم ننسى بإن طريق السعادة هو

" رضى الله "

ولا شيء آخر يستحق أن نحزن عليه أو نتحسر من أجله

وهذا تذكير لي أولاً ولكم أيضاً


ربي يسعدكم ويبعد الحزن عنكم

~

الاثنين، 23 مايو 2011

لمحة من دورة حياتي p=


Hello =)

لمحة سريعة من حياتي أو بالاحرى روتين حياتي

مع إن في واايد اشياء ما رسمتها بس هذي بشكل مختصر

خطرت على بالي هالفكرة من زمان واليوم قررت أرسمها ^^


وألقاكم على خير إن شاء الله

=)

الأربعاء، 18 مايو 2011

رسم العصفور بإستخدام البن تول

مرحبااااااا ^_^


شفتوا هالعصافير اللي أرسمهم

يسعدني اقدم لكم طريفة رسمهم

تفضلوا ::


(1)


(2)


(3)


(4)



أدري صعب شوي


بس مع التمرين إن شاء الله راح يصير سهل


ولأي إستفسار أنا حاضرة ~


ألقاكم على خير إن شاء الله


=)

الثلاثاء، 17 مايو 2011

أبحر فوق الغيوم ~

مرحباً جميعاً

أدري من زمان عنكم

شسوي الشغل وشويت ظروف

والحمدلله على كل حال ^^


واليوم رسمت رسمة " أبحر فوق الغيوم "




شفت الفكرة بأحد الرسومات وطبقتها بشكل ثاني P=
وnext time

نتحفكم برسوم أكثر إن شاء الله

ألقاكم على خير

=)

السبت، 7 مايو 2011

لا أريد أن أكون حساااسة =(

مرااحب

أخباركم ~ إن شاء الله أحسن من أخباري

أحد يعرف علاج للمشاعر الحساسة البايخة

خلاص ما أقدر أتحملها زيادة

أقل شي دموعي تنزل

حتى وأنا معصبة أو بقول رايي يعني على اشياء بايخة

تمللت منها بالبيت بالشغل بالسيارة بالسوق

مالها وقت ولا أقدر أتحكم فيها ~ شي مو حلو

خاصة وأنا بهالسن وبالبيت أكبر أخواني << كلش لأ وين الشخصية والهيبة >> شدخل هع

وبس عاد اليوم بعد صار موقف قمة السخافة وتحسست منه

وبعد ما خلص خزان الشلالات قلت أرسم وأخفف عن نفسي

وهذي هي الرسمة ::




والرسمة الثانية شفتها بأرشيف شهر إبريل

شكلي نسيت أنزلها D=


عذراً التصوير بكاميرا الموبايل

يلا .. اللي عنده حل يقولي

واللي ما عنده يقول رايه بالرسومات ^.^

وألقاكم على خير إن شاء الله

الجمعة، 6 مايو 2011

Thank you ^.^

السلام عليكم ^_^

أخباركم ~ يا رب تكونوا بخير


أولاً :: هذي هدية مني لكم

شاكرة لكم متابعتي

50 متابع / متابعة

مادري شنو كانت توقعاتكم لما قررتوا إنكم تتابعوني

لكن أتمنى إني وصلت لمستوى توقعكم لو بالقليل ^^



ثانياً ::

أنا الصراحة منحرجة منكم وااايد

خاصة للي يتابعون دروس إستخدام البن تول

لأني اليوم لما قررت أعمل درس

بصراحة الأفكار طارت وقدرت أصطاد بعضها لكن ما عرفت أترجمها

بصيغة دروس عالفوتوشوب =(

وأستأت من نفسي وأعتفس مزاجي كله

لكن بالنهاية

قررت إني أنزل دروس متفرقة عن رسم الاشياء "طير - شجر - بحر...الخ "

كلها بإستخدام البن تول فقط
ومع الوقت إن شاء الله يكون خذتوا فكرة عن كيفية إستخدام البن تول في الرسم


وألقاكم على خير إن شاء الله

thank you again &

=)