السبت، 7 مايو 2011

لا أريد أن أكون حساااسة =(

مرااحب

أخباركم ~ إن شاء الله أحسن من أخباري

أحد يعرف علاج للمشاعر الحساسة البايخة

خلاص ما أقدر أتحملها زيادة

أقل شي دموعي تنزل

حتى وأنا معصبة أو بقول رايي يعني على اشياء بايخة

تمللت منها بالبيت بالشغل بالسيارة بالسوق

مالها وقت ولا أقدر أتحكم فيها ~ شي مو حلو

خاصة وأنا بهالسن وبالبيت أكبر أخواني << كلش لأ وين الشخصية والهيبة >> شدخل هع

وبس عاد اليوم بعد صار موقف قمة السخافة وتحسست منه

وبعد ما خلص خزان الشلالات قلت أرسم وأخفف عن نفسي

وهذي هي الرسمة ::




والرسمة الثانية شفتها بأرشيف شهر إبريل

شكلي نسيت أنزلها D=


عذراً التصوير بكاميرا الموبايل

يلا .. اللي عنده حل يقولي

واللي ما عنده يقول رايه بالرسومات ^.^

وألقاكم على خير إن شاء الله

هناك 9 تعليقات:

غير معرف يقول...

حتى أنا مثلك .. حساسة بشكل...... 0_o
اذا لقيتي علاج .. تكفين قولي لي .. اهئ اهئ
أصيح على الأشياء التافهة .
أشين شي خشتي اذا جيت بصيح .. ما اقدر آخفيها عن الناس .. اهلي دايما يقولون لي بزرة

عمري 18 و ما زلت طفلة تبكي .. :(

الموشكلة أنا حساسة داخلياً و خارجياً
يعني عاطفي و حاساة من العوامل الخارجية كالجو و الطعام و كل شيء XD


.. وااااو حبيت رسماتك .. مرررة كيوت

شكراً

д7ℓάм يقول...

وحشتني مدونتك ورسوماتك زمان عنها


حالي من حالك :( للاسسف
بس انا يا أبكككي يا أعصب على الكل وبدون سبب اشياء تافهه >_<

بدل ما اعطيك حل ازيدك خخخخخ

والله ماعندي حل بس أعتقد سبب نفسي وهرموني :p والعوامل المحيطه فينا
يمكن هالاشيياء مجتمعه و سببت لنا هالشي وخلت روحنا هشه :(


الله يكون بالعون :)


وبالنسبه للرسسمات ماشاءالله كل يوم تزيدين ابداع وفن
تسلم دياتك

Nora يقول...

لا تبكين قدام احد خصوصا اذا كان الموضوع مايستاهل
حاولي تمسكين نفسك على الاقل لين تكونين لحالك
وبعدين عطي نفسك كلمات مثل خلاص لاتبكين والله مايستاهل وحاولي تشغلين نفسك بشي ثاني ^^

فُرشَة مَرحْ ~ ♥ يقول...

هههه يحليلك
نايس الرسمة ومعبرة ومره عجبني تلوينها

بالنسبة للحساسية حاولي انك لما تزعلي من شي وانتي حاسته سخيف تقولي مايستاهل أزعل ع حاجة زي كدا وأشغلي نفسك بشي تاني تحبيه أو يبسطك
عشان لاتركزي ع الحاجة اللي زعلتك

وخلي مثلك ف الحياة : طنش ، تعش ، تنتعش D=
والله يبعد عنك الحساسية دي ويخليكي معتدلة بمشاعرك وتقدري تتحكمي فيها عشان تقدري تعيشي حياة احلة غن شاء الله ^_^

Awoosha يقول...

يا ألبي 3> كلكم حساسات ^.^
أسعدني مروركم جميعاً
ونصايحكم راح أطبقها إن شاء الله
وشاكرة لكم إطلالتكم
عطرتوا ونورتوا
يعطيكم العافية عزيزاتي
=)

cactus flower يقول...

ابد من حد يحاول يستفزج ..او زعلتي من كلمه انقالت او حتى صار موقف قدامج ماعجبج ..بس استفزج
لاتحطين ببالج ان دموعج راح تنزل الحين وتشلين همها بالعكس
خلي ردة فعلج البرود .. والصمت هو احلى الردود ..وقومي بكل شموخ .. عشان ماتنزلين هالدمعات ولاتندمين على اي ردة فعل منج بعدين
امااا شلون تعبرين عن هالشعور بعدين هههههه تعالي اعلمج ..
امشي بحوشكم .. حوووسي ابو ام المطبخ هههه ارسمي وشخبطي بس ادموعج لاتزلينها على الشي اللي يسوى واللي مايسوى .. لان محد راح يتعب غيرج بالحالتين وبعدها بذهن صافي فكري بكل اللي صار وليه صار وان شاء الله لادموع بعد اليوم << كانها كتبت معلقه ههههه
سوري غلاتي بس تحمست بالرد ؛)

Awoosha يقول...

يا هلا فيج أختي ^^

وللصمت حدود وهني المشكلة ~
هو صح إشغال النفس في شي يفيد لكن مو دايماً خاصة لو ما كان في مجال إنك تكون لوحدك وهذي أغلب المواقف اللي تحصل لي ><

تشكراتي لنصايحج عزيزتي
نورتي بردج وإطلالتج
يعطيج العافية
=)

رشـا يقول...

من زمان عن مدونتك
راح اقولك راي برسماتك
عجبتني مره الرسمه الاولى
:)

Awoosha يقول...

أهلاً أختي رشا ^^
منورة بإطلالتك عزيزتي
إلا زمان زمان وينك أختفيتي
وحشتينا بإطلالتك ومواضيعك بعد :)

تسلمين من ذوقك
ما قصرتي ~ يعطيك العافية
=)