الأربعاء، 22 فبراير، 2012

❤ Happy 3 Years My Dear blog

أكذب لو قلتي إني ما أشتقت لكم ❤

السلام عليكم ^^ شخباركم وشمسوين في هالحياة
عسى أموركم بخير يا رب =)

شهر وأيام أنقطعت فيها عنكم وعن مدونتي العزيزة
بس القلب كان دايماً معاكم ✿

كنت متحمسة علشان أرسم رسمة عدلة وسنعة بمناسبة مرور 3 سنوات
على إفتتاح مدونتي العزيزة ^^

لكن مدام إنك السفينة فأكيد الرياح راح تكون عكسك << يعني تجري الرياح بما لا تشتهي السفن هع
وتمر الأيام وفجأة أتذكر إن طافت ذكرى الافتتاح
لـــــكــــــن
دام إن احنا لازلنا بنفس الشهر فأغتمنت الفرصة ☺

إااايه يا كثر الذكريات والسوالف اللي أبغي أقولها
بس ما بعور راسكم وأخليكم مع رسمة متواضعة بهالمناسبة ^^


وهذي كنت راسمتها قبل لا أتذكر المناسبة
علشان أشرح فيها وضعي اللي منعني p=


هذي محلي الله يسلمكم
الخياطة خذت أغلب وقتي
الحمدلله هذي نعمة من رب العالمين إن وفقني في عمل شي
يخليني أسعد الناس به وأستمتع أنا بعمله
^__________ ^

وحياكم بعد شرفنوني بزيارتكم لمحلي الالكتروني الصوغير المتواضع
☞ كاهوا مناك في الشريط تحت :)

وبالأخير ~
☆ أحب أشكر كل من علق بيوم على أي رسمة من رسوماتي
☆ وكل من أضافني لقائمة متابعينه

☆ متابعتكم وتعليقاتكم زادتني حماس للمتابعة بمدونتي
ومحاولة الوصول لحلمي بإتقان الرسم وإفادة غيري بمعلوماتي

شكراً من القلب لكم ♥
وسامحوني لو قصرت بحقكم من متابعتي
وأتمنى إنكم أستفدتوا وأستمتعوا برسوماتي المطروحة

وألقاكم على خير إن شاء الله
=)

هناك 6 تعليقات:

daloo3a يقول...

كل عام و انتي و مدونتج بخير
و الله يوفقج في شغلج

و الله يهنيج و يسعدج ^^

Nora يقول...

اهلين عواشه مبروووه مرور ثلاث سنوات ماشالله بحق مستواك صار احسن بكثييير بالرسم عن من زمان
وانا اعتذر لك لاني مااتابعك كويس بس وربي دائما ببالي زيارة مدونتك وتكحيل العنون تعرفين صرت رسامه دحين هع

متجرك رااااااااايق وكوااااي وكل شي جميل بالتوفييييق ياعسل ^^

Awoosha يقول...

أهلين daloo3a
وكل أيامج بخير يا رب ^^

آمين يا رب ويوفق الجميع إن شاء الله
ولج بالمثل عزيزتي

نورتي بإطلالتج
يعطيك العافية
=)

Awoosha يقول...

@Nora::
هلا هلا بنواارة ^^
الله يبارك فيج ~ إيه الحمدلله المستوى تحسن بكثير :)

أفا بس لا تعذرين ولا شي حياج بأي وقت، إيه عاد الحين إنتي بعد رسامة 3> وإذا أحتجتي لأي نصيحة أو درس لا تترددين بزيارة صفحاتنا المتواضعة ~

وبالتوفيق لج يا رب
تشكراتي لتعطيرك متصفحي
يعطيك العافية
=)

soma يقول...

السلام عليكم
صباح الخيير
كل سنه ومدونتك تحلو أكثر وأكثر ي رب
للأسف أول مراا أدخلها كانت اليوم
وطبعا حأضيفك في القائمه عندي
ما شاء الله تبارك الله مرااا حبيت مدونتك
وكل شي فيها قعدت عليها ساعه من هنا ومن هنا ومالي نفس أطلع
تسلم إيدك
وربي يوفقك
أسماء~

Awoosha يقول...

وعليكم السلام والرحمهـ
يسعد صباااحك عزيزتي ^^
آمين يا رب وبمتابعين مثلك =)

تشرفني متابعتك لي ~
تسلمين الغلا .. وشاكرة لك كلماتك العطرة اللي نثرتيها وكان لها الأثر الجميل في نفسي 3>

وربي يوفق الجميع إن شاء الله
يعيطك العافية على الإطلالهـ
ما قصرتي
=)