الثلاثاء، 25 يناير، 2011

just for you ...

السلام عليكم ^^
اسعد الله أيامكم بكل خير إن شاء الله ~
اليوم .. يوم خاص بالنسبة لي
أنا فرحانة ونفس الوقت حزنانة شوي
لأن اليوم يوم زواج صديقتي وعزيزتي وأختي الغالية
أخت ما شفتها ولا ألتقيت فيها ~ ما جمعنا غير شبكات الانترنت
فأنا فرحاانة لها وااايد وااايد لأنها بالفعل حبوبة وطيبة وتستاهل كل الخير
وحزنانة لأنها بعيد عني وكنت صج أتمنى اشاركها وأكون معاها في هاليوم
وهذي الرسمة ~ هدية مني لها


عاد أبد هالسوالف مو صوبي
و ولا مرة رسمة شي لهالمناسبة .. فأحترت وااايد في الفكرة
فأخذت جولة في مواقع الصور وشفت كم صورة عجبتني
وبما إني zero في التصميم قلت مالي إلا أرسم
فرسمت أمانةً الصور مثل ما هم اللهم بس حذفت شويت اشياء
وضفت بدلها أشياء ثانية
فالرسمة كلها مجموع 3 صور
وبس .. حبيت أشاركم هالشي D:

هناك 4 تعليقات:

Abd-alrhman يقول...

السلام عليكم

الحمد الله بخير
واو ,, وناسه ,, مبروك لها وعقبالك ان شاء الله
نفرح فيج عروووسه ,, وياكثر ماعرفنا ناس حبايب
واتمنى لها التوفيق والسعاده

واما ع الرسمه ,, ابدااااااع حبيتها والله
اهنيج عليها

تقبلي طلتي

Katkoota xD يقول...

الله يتمم عليها يارب

و يخليكم لبعض و تشوفينها انشاءالله

و تشاركينها بافرااح ثانية

و الرسمه حدها تينن

يعطيج العافية

بكرى احلى يقول...

رسمه حلوه كثير انا اول مره ازور مدوناتك مره حلوين وهادين
بس شكلك مره تحبين الفضفضه عاد ثلاث مدونات ههههههه
ماشاء الله
استمري في الابداع..
وصديقك ان شاء الله زواجها سعيد
ومصير الحي يتلاقى..

Awoosha يقول...

@Abd-alrhman::

وعليكم السلام
يا هلا فيك أخوي ^_^

وعقبال الجميع إن شاء الله
إيه والله .. الله يسعدهم جميعاً

نورت بتعليقك
يعطيك العافية
=)



@katkoota xd::

يا هلا فيج أختي
إن شاء الله ^_^ الله يسمع منج

تسلمين عزيزتي
تشكراتي لتعليقج العطر
ما قصرتي =)



@بكرى أحلى ::

يا حياك الله عزيزتي ^_^
الأحلى إطلالتك ~ وإن شاء الله دووم تزورينا

ههههه أمممم يمكن .. إن شاء الله بإذن الله
أسعدني تواجدج ~ نورتي
=)